Չորրորդը․ լրագրության, գաղափարների ու փորձի փոխանակման երեք օր

Հետաքննական լրագրությունից ու պատումներ ստեղծելու արվեստից մինչև թվային անվտանգություն, տեղեկատվության արժանահավատություն և ժողովրդավարություն․ EVN Report չորրորդ մեդիա փառատոնը Երևանում կհամախմբի լրագրողների, գրողների, հետազոտողների, արվեստագետների և մեդիա ոլորտի մասնագետների՝ Հայաստանից ու արտերկրից։

Երեք օր շարունակ՝ զրույցներ ոլորտի առաջատար դեմքերի հետ, փոդքասթների ձայնագրություններ, ֆիլմերի ցուցադրություններ ու ընթերցումներ, ինչպես նաև՝ հնարավորություն անմիջականորեն շփվելու մարդկանց հետ, որոնք այսօր լուսաբանում ու ձևավորում են մեդիա դաշտը։

Շուտով կհայտարարվեն նոր հյուրերի և համագործակցությունների մասին։ Առայժմ պատրաստվեք գաղափարներով, զրույցներով, բացահայտումներով և մի քանի անսպասելի հանդիպումներով լի երեք օրվա։