Փառատոնի մասին

EVN Report մեդիա փառատոնն ամենամյա իրադարձություն է Երևանում, որը մեկտեղում է լրագրողների, գրողների, հետազոտողների, արվեստագետների և մեդիայի ոլորտի մասնագետների՝ Հայաստանից և արտերկրից։

EVN Report-ի նախաձեռնած փառատոնը լրագրության ու պատումներ ստեղծելու, ինչպես նաև դրանց շուրջ ծավալվող զրույցների հարթակ է․ ինչպես են ստեղծվում լրագրողական պատմությունները, ինչպես է տեղեկատվությունը ձևավորում հանրային կյանքը, ինչպես են տեխնոլոգիաները փոխում մեդիան, և ինչպես են լրագրողներն ու պատումներ ստեղծող մյուս մասնագետներն ընկալում արագ փոփոխվող աշխարհը։

Երեք օր շարունակ այս զրույցները հանրությանը հասանելի են դառնում հարցազրույցների, պանելային քննարկումների, փոդքասթների ձայնագրությունների, ընթերցումների, ֆիլմերի ցուցադրությունների, ցուցահանդեսների և այլ միջոցառումների միջոցով։ Փառատոնը նաև հնարավորություն է հայաստանյան ու միջազգային մեդիա ոլորտի մասնագետների համար՝ հանդիպելու, գաղափարներ ու փորձ փոխանակելու և նոր համագործակցություններ սկսելու։

EVN Report-ի մասին

EVN Report-ը Երևանում գործող անկախ, շահույթ չհետապնդող լրատվամիջոց է։

2017 թվականին հիմնադրված EVN Report-ը պատրաստում է խորքային լուսաբանումներ, վերլուծություններ ու մեկնաբանություններ է հրապարակում Հայաստանի և տարածաշրջանի մասին՝ անդրադառնալով քաղաքականությանը, անվտանգությանը, դիվանագիտությանը, տնտեսությանը, մշակույթին, տեխնոլոգիաներին, կենսակերպին, արվեստին ու հասարակությանը։ Մեր լրագրողական գործունեությունն ընդգրկում է ինչպես գրավոր հոդվածներ ու վերլուծություններ, այնպես էլ փոդքասթներ, բացատրական տեսանյութեր, հարցազրույցներ և մուլտիմեդիա պատումներ։

EVN Report-ը համագործակցում է Հայաստանում և աշխարհի տարբեր երկրներում աշխատող լրագրողների, գրողների, հետազոտողների, լուսանկարիչների ու փորձագետների հետ՝ ներկայացնելով բազմազան տեսակետներ ու մասնագիտական փորձառություն։

EVN Report մեդիա փառատոնն այս գործունեության տրամաբանական շարունակությունն է առցանց տիրույթից դուրս՝ ստեղծելով մի հարթակ, որտեղ լրագրողները, պատումներ ստեղծողներն ու լսարանը կարող են հանդիպել, մտքեր փոխանակել և միասին քննարկել հանրային կյանքը ձևավորող հարցերը։