Արմինե Մարգարյան
Արմինե Գ. Մարգարյանը ռազմաքաղաքական հարցերով փորձագետ է՝ ազգային անվտանգության կառավարման, պաշտպանության ոլորտի բարեփոխումների և արտաքին քաղաքականության ռազմավարության մշակման ավելի քան երկու տասնամյակի փորձով։ Երևանում գործող «Կանայք և գլոբալ անվտանգության ճարտարապետությունը» (WGSA) վերլուծական կենտրոնի հիմնադիրն ու նախագահն է։ Գործունեության հիմնական ուղղություններն են հիբրիդային սպառնալիքների չեզոքացումը, հասարակության դիմակայունության ամրապնդումը, համապարփակ պաշտպանության և անվտանգության համակարգի հայեցակարգային հիմքերի մշակումը և գործնական կիրառումը, ինչպես նաև «Կանայք, խաղաղություն և անվտանգություն» օրակարգի տեղայնացումը։
Նախկինում եղել է Հայաստանի վարչապետի աշխատակազմի Անվտանգության խորհրդի քարտուղարի գրասենյակի ղեկավարը, ապա՝ ԱԽ քարտուղարի խորհրդականը։ Եղել է արտաքին գործերի նախարարության Սպառազինությունների վերահսկման և միջազգային անվտանգության վարչության փորձագետ, ինչպես նաև ԱՊՀ վարչության ռեֆերենտ։
Արմինե Մարգարյանը Հայաստանի Հանրային խորհրդի անդամ է, ներգրավված է վարչապետի աշխատակազմին առընթեր Անվտանգության և արտաքին քաղաքականության ռազմավարության խորհրդակցական հարթակում, ինչպես նաև պաշտպանության նախարարին առընթեր հասարակական խորհրդի կազմում։
Արմինե Մարգարյանի մասնակցությամբ
ՊԱՆԵԼԱՅԻՆ ՔՆՆԱՐԿՈՒՄ․ Գոյատևումից՝ ռազմավարություն․ վերաիմաստավորելով Հայաստանի անվտանգությունը
Կիրակի, Նոյեմբերի 22, 12:30
3րդ հարկ