Խոսնակներ
Միջազգային հյուրեր
![Րաֆֆի Խաչատուրեան, The New Yorker](https://evnmediafest.com/2022/wp-content/uploads/2020/02/Raffi-Khachatourian.jpeg)
Րաֆֆի Խաչատուրեան, The New Yorker
Րաֆֆի Խաչատուրեանը 2008-ից աշխատում է The New Yorker-ում: Նա անդրադառնում է բազմապիսի թեմաների, այդ թվում՝ գիտություն, արվեստ, ներքին և արտաքին քաղաքականություն, ազգային անվտանգություն: Նրա հոդվածներն ընդգրկվել են «Ամերիկյան լավագույն սպորտային հոդվածներ» և «Ամերիկյան լավագույն ոչ պարտադիր ընթերցանություն» անթոլոգիաներում: Խաչատուրեանի երկու ստեղծագործություններ առաջադրվել են National Magazine Awards մրցանակի, առաջին անգամ՝ «Ալ Քաիդա»-ի քարոզչի մասին «Ամերիկացի Ազամը» (Azzam the American) վերնագրով հոդվածի համար և երկրորդ անգամ՝ New Yorker-ի մուլտիմեդիա թիմի հետ համատեղ ստեղծված «Էջվուդի գաղտնիքները» (Secrets of Edgewood) հետաքննական հոդվածի համար, որը Սառը պատերազմի տարիներին հոգեմետ քիմիական նյութերի հետ կապված փորձերին է նվիրված։ Նրա աշխատանքները ներկայացվել են նաև Overseas Press Club-ի, James Beard Foundation-ի, Livingston-ի մրցույթներում:
![Հուվեյդա Սաադ, New York Times](https://evnmediafest.com/2022/wp-content/uploads/2022/04/hwaida-saad-photo-new-.jpg)
Հուվեյդա Սաադ, New York Times
Հուվեյդա Սաադը 2007 թվականից աշխատում է The New York Times-ում, այժմ Բեյրութի թղթակիցն է։ 1993-ին ավարտել է Լիբանանի Համալսարանի հանրային կապերի բաժինը, իսկ 2000-ին մագիստրոսի կոչում է ստացել Սենտ Ջոզեֆի համալսարանից, որտեղ հետագայում շարունակել է դասախոսել, հասարակայնության հետ կապերի և վարչական բաժիններում զբաղեցրել տարբեր պաշտոններ: 2005-ին Լիբանանի նախկին վարչապետ Ռաֆիք ալ-Հարիրիի սպանությունից հետո նա կարճ ժամանակով աշխատել է The Boston Globe-ում, ինչն էլ խթանել է նրա հետագա գործունեությունը լրագրության ոլորտում։ The New York Times-ում աշխատելու տարիներին Սաադը լայնորեն անդրադարձել է Լիբանանին և Սիրիային, գրել է Իսլամական Պետության, տարածաշրջանի մարդասիրական ճգնաժամի և այլ խնդիրների մասին։ Լիբանանի և Սիրիայի մասին գրելը միշտ առաջնահերթություն է եղել Հուվեյդայի համար։ Երբ 2011 թվականին սկսվեց Սիրիայի ճգնաժամը, նրա գլխավոր նպատակը պատմության մյուս կողմը ներկայացնելն ու բոլոր խավերի սիրիացիների առօրյան ցույց տալն էր։
![Ռիմվիդաս Վալատկա, DELFI](https://evnmediafest.com/2022/wp-content/uploads/2022/04/image0.png)
Ռիմվիդաս Վալատկա, DELFI
Ռիմվիդաս Վալատկան լիտվացի լրագրող և մեդիա մենեջեր է՝ 44 տարվա մասնագիտական փորձով։ Ներկայումս նա լիտվական delfi.lt կայքի սյունակագիր է: Իր մասնագիտական գործունեության ընթացքում նա զբաղեցրել է բարձր պաշտոններ Լիտվայի անկախ լրատվամիջոցներում՝ սյունակագիր, խմբագիր, մենեջեր, վարել է թոք-շոուներ տարբեր ձևաչափերով (տպագիր, հեռուստատեսություն, առցանց), և հանդես է եկել որպես մեդիա ակտիվիստ։ Նա աշխատել է Լիտվայի մեդիա ոլորտում 1990-ական թվականներին նախորդող և անցումային շրջանում: Վերջին տասնամյակում Ռիմվիդասը Ազգային հեռարձակողի խորհրդի անդամ էր: Լիտվայում անկախ մամուլի զարգացման գործում ունեցած ծառայության համար 2000 թվականին պարգևատրվել է նախագահական մրցանակով։
![Ինդրե Մակարայտե, Lithuanian Public TV](https://evnmediafest.com/2022/wp-content/uploads/2022/04/Indrė-Makaraitytė-.png)
Ինդրե Մակարայտե, Lithuanian Public TV
Ինդրե Մակարայտեն հետաքննող լրագրող է Վիլնյուսից: Նախկինում աշխատել է որպես հաղորդավարուհի և քաղաքական լրագրող։ Վերջին չորս տարիներին ղեկավարում է Լիտվայի ազգային հեռարձակողի` LRT-ի հետաքննության բաժինը: Իր սյունյակներում նա անդրադառնում է քաղաքական կոռուպցիայի, մարդու իրավունքների, նեպոտիզմի և խոսքի ազատության թեմաներին:
![Անեկե Հուդալլա. n-ost](https://evnmediafest.com/2022/wp-content/uploads/2022/05/Hudalla-scaled.jpg)
Անեկե Հուդալլա. n-ost
Անեկե Հուդալլան Բեռլինի «n-ost եվրոպական լրագրողների ցանց» հասարակական կազմակերպության ծրագրի ղեկավարն է: Որպես քաղաքագետ ուսումնասիրել է հետկոմունիստական երկրների քաղաքական վերափոխումները, որպես լրագրող աշխատել է չեխական Respekt շաբաթաթերթում: Նախքան n-ost-ին միանալը ազգային և համաեվրոպական մի քանի պատգամավորների օգնական է եղել:
Առցանց լրագրության հարթակ n-ost-ը նպատակ ունի ստեղծել լրագրողական երեք ցանց՝ առողջապահական, կլիմայի փոփոխության և տեղեկատվական հասարակության թեմաներով:
![Ավգուստինաս Շուլիա, LRT](https://evnmediafest.com/2022/wp-content/uploads/2022/04/Augustinas-Šulija.png)
Ավգուստինաս Շուլիա, LRT
Ավգուստինաս Շուլիան Լիտվայի ազգային հեռարձակողի՝ LRT-ի մուլտիմեդիա լրագրող է և միջազգային նորությունների խմբագիրը, անդրադառնում է միջազգային և տարածաշրջանային հարցերի: Ավգուստինասն աշխատել է որպես Բրյուսելի թղթակից լիտվական TV3-ում և լուսաբանել հակամարտություններն ու սոցիալական խնդիրները Եվրոպայում և նրա սահմաններից դուրս՝ ներառյալ Արևելյան Ուկրաինան և Լեռնային Ղարաբաղը: Տարածաշրջանային սոցիալական խնդիրների մասին նրա անդրադարձները տպագրվել են միջազգային տարբեր լրատվամիջոցներում։ Նա նաև ֆիքսեր է աշխատել տարածաշրջանային անվտանգության թեմաներ լուսաբանող տարբեր լրատվամիջոցների խմբերի հետ: Վերջերս Բելառուսից Լիտվա մարդկանց մաքսանենգության վերաբերյալ նրա հետաքննությունը Media4change-ի կողմից կազմակերպված The Future Story Awards միջոցառմանն արժանացել է մրցանակի՝ երիտասարդ լրագրողի կողմից արված լավագույն հետաքննական նյութ անվանակարգում։
![Լորենս Կորնետ, Le Monde](https://evnmediafest.com/2022/wp-content/uploads/2022/04/52A9219.jpg)
Լորենս Կորնետ, Le Monde
Լորենս Կորնետը Ֆրանսիական Le Monde թերթի ֆոտոխմբագիրն է։ Արդեն 15 տարի աշխատում է որպես խմբագիր, քննադատ և համադրող, հասարակական խնդիրների և շրջակա միջավայրի ոլորտներում մասնագիտացած լրագրող է։ Նա համագործակցում է Newsweek-ի, Vogue-ի, Vice-ի, The Guardian-ի, MSNBC-ի, PHMuseum-ի և Photo Monitor-ի հետ: Որպես համադրող` աշխատել է Միացյալ Նահանգների, Կոլումբիայի, Ֆրանսիայի և Թուրքիայի հասարակական հաստատությունների և ցուցասրահների հետ։ Նա նաև DogFood ֆոտոզինի համահիմնադիրներից է, ինչպես նաև Dysturb-ի խմբագիրը, հարթակ, որն օգտագործում է հանրային տարածքը պատմություններ տարածելու համար։
![Ջուլիետա Պալումբո, Magnum Photos](https://evnmediafest.com/2022/wp-content/uploads/2022/04/IMG_6030-1-1.jpg)
Ջուլիետա Պալումբո, Magnum Photos
Ջուլիետա Պալումբոն Magnum Photos-ի խմբագիրն ու համակարգողն է։ Իտալիայում լուսանկարչություն և մարդաբանություն ուսումնասիրելուց հետո, 2013-ին Փարիզում միացել է Magnum Photos-ին՝ զբաղվելով լուսանկարների հետարտադրական գործընթացով, արխիվների կառավարմամբ և տարածմամբ։ Այժմ, որպես բովանդակային խմբագիր, նա համակարգում է Magnum Photos-ի աշխատանքը՝ օգնելով լուսանկարիչներին, կապ հաստատելով հիմնական հաճախորդների և հրատարակչությունների հետ:
![ՀՈՎԱՐԴ ԱՄՈՍ. MOSCOW TIMES](https://evnmediafest.com/2022/wp-content/uploads/2022/04/Howard-Amos-1.jpeg)
ՀՈՎԱՐԴ ԱՄՈՍ. MOSCOW TIMES
Հովարդ Ամոսը The Moscow Times-ի գլխավոր խմագիրն է։ Նա լրագրող է, գրեթե տասը տարի ապրել է Ռուսաստանում։ Նրա հոդվածները հրապարակվել են The Guardian-ում, The Daily Telegraph-ում, Newsweek-ում, The Associated Press-ում, Foreign Policy-ում և The New Republic-ում։
Բանախոսներ Հայաստանից
![Ներսես Կոպալյան](https://evnmediafest.com/2022/wp-content/uploads/2022/05/Nerses-Kopalyan-copy.jpg)
Ներսես Կոպալյան
Դոկտոր Ներսես Կոպալյանը Լաս Վեգասի Նևադայի համալսարանի քաղաքագիտության ամբիոնի դասախոս է: Նրա մասնագիտացման ոլորտները ներառում են միջազգային հարաբերությունները, աշխարհաքաղաքականությունը, քաղաքական տեսությունն ու գիտության փիլիսոփայությունը: Նա ծավալուն հետազոտություններ է անցկացրել բևեռականության, գերտերությունների հարաբերությունների, անվտանգության ուսումնասիրությունների վերաբերյալ։ Կոպալյանը «Համաշխարհային քաղաքական համակարգերը բևեռականությունից հետո» գրքի (Ռութլիջ, 2017) հեղինակն է, «Սեքս, իշխանություն և քաղաքականություն» գրքի (Փալգրև Մաքմիլլան, 2016) համահեղինակը: Նրա ընթացիկ հետազոտությունների առանցքում են աշխարհաքաղաքական և մեծ տերությունների հարաբերությունները՝ շեշտը դնելով Եվրասիայի վրա: Նա նաև լայնածավալ աշխատանք է կատարել Հայաստանում տեղի ունեցած քաղաքական զարգացումների վերաբերյալ՝ մինչ թավշյա հեղափոխությունը և դրանից հետո։ Հայաստանի կառավարության համար մշակել է առաջարկությունների փաթեթներ, ինչպես նաև կամավորական հիմունքներով խորհրդատվություն է տրամադրել պետական տարբեր կառույցներին: Դոկտոր Կոպալյանը նաև EVN Report-ի հեղինակներից է:
![Վարդան Հովհաննիսյան, Bars Media](https://evnmediafest.com/2022/wp-content/uploads/2022/04/VardanHovhannisyan_FounerProducer.jpeg)
Վարդան Հովհաննիսյան, Bars Media
Վարդան Հովհաննիսյանն իր կարիերան սկսել է որպես ռեժիսոր, պրոդյուսեր և օպերատոր՝ միջազգային այնպիսի լրատվամիջոցներում, ինչպիսիք են CBS-ն, BBC-ն, ARTE-ն։ Նա անդրադարձել է Խորհրդային Միության տարածքում տարբեր թեժ կետերի և Արցախյան առաջին պատերազմին, ապա 1993-ին հիմնադրել է Հայաստում առաջին անկախ վավերագրական ֆիլմերի ստուդիան՝ Bars Media-ն։ Վարդանի առաջին միջազգային վավերագրական ֆիլմը ստեղծվել է պատերազմի ժամանակ իր աշխատանքի մասին որդու հարցից հետո, որը ստիպել է Վարդանին հետ վերադառնալ պատերազմի իր փորձառությանը և իր հանդիպած մարդկանց։ Արդյունքը «Մարդկային պատմություն՝ պատերազմի և խաղաղության օրերից» ֆիլմն էր, որը միջազգային համատեղ արտադրություն էր BBC-ի, ITVS/PBS-ի, ARTE-ի, WDR-ի, YLE-ի և այլոց հետ։ Այս ֆիլմի հաջողությունից հետո, Վարդանը վերադարձավ իր հայրենի Հայաստանի հարուստ պատմությանը՝ «Հայաստանի վերջին լարախաղացը» արտադրելու համար, որը վավերագրական ֆիլմ է հին և վերացող արվեստի մասին։ Ներկայումս Վարդանը վավերագրական ֆիլմեր է նկարում Աֆրիկայում, Ռուսաստանում և Աֆղանստանում։ Նա լիցենզավորված պարապլանիստ է, երբեմն թռչում է օդային նկարահանումների, երբեմն էլ՝ հաճույքի համար։
![Լիանա Սայադյան, Հետք](https://evnmediafest.com/2022/wp-content/uploads/2022/04/Liana-Sayadyan.jpg)
Լիանա Սայադյան, Հետք
Լրագրող, «Հետքի» փոխխմբագիր, Երևանի պետական համալսարանի Ժուռնալիստիկայի ֆակուլտետի Նոր մեդիայի և հաղորդակցության ամբիոնի դոցենտ: 1999-ին ավարտելով ԵՊՀ բանասիրության ֆակուլտետի լրագրության բաժինը՝ ընդունվել և 2001-ին ավարտել է ՀՀ պետական կառավարման դպրոցը՝ քաղաքագիտություն մասնագիտացմամբ։ Պետական մարմիններում կարճատև պրակտիկայից հետո նախընտրել է վերադառնալ լրագրությանը։ 2001-ից «Հետքում» է, նախ՝ որպես լրագրող, իսկ 2005-ից՝ որպես փոխխմբագիր։
![Կարեն Հարությունյան, CivilNet](https://evnmediafest.com/2022/wp-content/uploads/2022/04/278995646_1050804492211763_6915011816358099164_n.jpg)
Կարեն Հարությունյան, CivilNet
Կարեն Հարությունյանը CivilNet առցանց լրատվամիջոցի գլխավոր խմբագիրն է: CivilNet-ը ներկայացնում է լուրեր ու վերլուծություններ Հայաստանի, Լեռնային Ղարաբաղի, Հարավային Կովկասի և հայկական սփյուռքի մասին: Լրատվության ոլորտում Կարենը 15 տարվա աշխատանքային փորձ ունի։ Հայաստանյան Financial Times համարվող «Կապիտալ» բիզնես օրաթերթի հիմնադիր խմբագիրն էր:
![Գեղամ Վարդանյան, ՄՆԿ](https://evnmediafest.com/2022/wp-content/uploads/2022/04/gegham-v.jpg)
Գեղամ Վարդանյան, ՄՆԿ
Գեղամ Վարդանյանը լրագրության, հեռուստատեսային արտադրության և լրագրողական դասընթացների բնագավառում ավելի քան 20 տարվա փորձ ունի։ Նա Մեդիա Նախաձեռնությունների Կենտրոնի Media.am լրատվական և վերլուծական կայքի խմբագիրն է։ Նախկինում որպես լրագրող աշխատել է A1+ հեռուստաընկերությունում։ Գեղամը հայաստանյան համալսարաններում առցանց բովանդակության ստեղծում և տվյալների լրագրություն է դասավանդում։ Al Jazeera English-ի հետ 2020 թվականի Արցախյան պատերազմի ժամանակ աշխատել է որպես պրոդյուսեր։
![Արա Թադեւոսյան, mediamax](https://evnmediafest.com/2022/wp-content/uploads/2022/04/002-scaled.jpg)
Արա Թադեւոսյան, mediamax
Արա Թադևոսյանը 1999 թվականից «Մեդիամաքս» մեդիա ընկերության համահիմնադիրն է և տնօրենը: 1992-ից համագործակցում է հայկական, ռուսական և արևմտյան բազմաթիվ ԶԼՄ-ների հետ:
![ԴԱՎԻԹ ԲԱՂԴԱՍԱՐՅԱՆ, Krisp](https://evnmediafest.com/2022/wp-content/uploads/2022/05/davit-portrait-1.jpg)
ԴԱՎԻԹ ԲԱՂԴԱՍԱՐՅԱՆ, Krisp
![Անժելա Ֆրանգյան, ռեժիսոր](https://evnmediafest.com/2022/wp-content/uploads/2022/05/Angela-Frangyan--scaled.jpg)
Անժելա Ֆրանգյան, ռեժիսոր
Անժելա Ֆրանգյանը հայաստանաբնակ ռեժիսոր է։ Լինելով արվեստաբան, նա շուրջ չորս տարի աշխատել է որպես պրոդյուսեր և ռեժիսոր՝ գովազդային հոլովակների, վավերագրական ֆիլմերի վրա: 2019 թվականին Անժելան հիմնադրել է DoKino պրոդյուսերական ընկերությունը։ Թեև ընկերությունը համեմատաբար նոր է, սակայն այս պահին իրականացնում է երեք լիամետրաժ կինոնախագծեր (Եվրոպայի հետ համատեղ արտադրություն), որոնք արտադրման տարբեր փուլերում են: Անժելան մասնակցել և ներկայացրել է իր նախագծերը առաջատար կինոշուկաներում և հարթակներում, ինչպիսիք են IDFA-ն (Ամստերդամի վավերագրական ֆիլմերի միջազգային փառատոն), Baltic Sea Docs (միջազգային վավերագրական նախագծերի համաֆինանսավորող ֆորում Ռիգայում, Լատվիա), Meeting Point – Վիլնյուս (Լիտվա), Dok Leipcig, B2B Doc, EurasiaDoc և այլն: Նախագծերից մեկը ֆինանսավորվել է նաև CNC-ից, իսկ մյուսը՝ Eurimages-ից: Ներկայումս Անժելան մշակում է վավերագրական երեք ֆիլմ և Ջեսիկա Վուդվորթի հետ համատեղ աշխատում է «Ամրոց» գեղարվեստական նոր ֆիլմի վրա։
![Վաղինակ Ղազարյան, Ֆոտոլրագրող](https://evnmediafest.com/2022/wp-content/uploads/2022/05/Vaghinak-Ghazaryan.jpg)
Վաղինակ Ղազարյան, Ֆոտոլրագրող
![ՆՈՒՆԵ ՀԱԽՎԵՐԴՅԱՆ, Media.am](https://evnmediafest.com/2022/wp-content/uploads/2022/05/nune_hakhverdyan_1-1.jpg)
ՆՈՒՆԵ ՀԱԽՎԵՐԴՅԱՆ, Media.am
Նունե Հախվերդյանը լրագրող է, արվեստի քննադատ, աշխատում է media.am կայքում, համագործակցում է տարբեր մեդիա հարթակների հետ՝ նյութեր գրելով կինոյի, թատրոնի, լրատվական դաշտի ու մեծ հաշվով՝ հաղորդակցության մասին:
![ՇՈՂԱԿԱԹ ՄԼՔԷ-ԳԱԼՍՏԵԱՆ, AGBU Creative Accelerator Program](https://evnmediafest.com/2022/wp-content/uploads/2022/05/Shoghakat-and-artwork-1.jpg)
ՇՈՂԱԿԱԹ ՄԼՔԷ-ԳԱԼՍՏԵԱՆ, AGBU Creative Accelerator Program
Շողակաթ Մլքէ-Գալստեանը ծնվել է Երևանում: Նա դերասանուհի է, պարուհի և արվեստի մենեջեր/արվեստի կազմակերպիչ: Նրա տարերքը ժամանակակից կատարողական արվեստն է։ Նա «Միհր» թատրոնի հիմնադիրն ու մեներգչուհին է, «Տիեզերք» խմբի մենեջերը և դասախոս Երևանի թատրոնի և կինոյի պետական ինստիտուտում: Եղել է «ՀԱՅ ՖԵՍՏ» միջազգային թատերական փառատոնի գործադիր տնօրենը։ Հեղինակում ու տնօրինում է մի շարք նախագծեր ԱՄՆ-ում, Գերմանիայում, Ֆրանսիայում, Կիպրոսում, Վրաստանում, Թուրքիայում, Ռուսաստանում, Հայաստանում և այլ երկրներում: 2016 թվականին արժանացել է ՀՀ մշակույթի նախարարության պատվավոր ոսկե մեդալի։ 2017-ին ավարտել է Ցյուրիխի արվեստի համալսարանի արվեստ և միջազգային համագործակցություն բաժինը: Նա KATAPULT AGBU Creative Accelerator ծրագրի միջոցառումների և հաղորդակցության համակարգողն է:
![ՆԱԶԵԼԻ ՕՀԱՆՅԱՆ, Հայաստանի հանրային ռադիո](https://evnmediafest.com/2022/wp-content/uploads/2022/05/Nazeli-Ohanyan-.jpg)
ՆԱԶԵԼԻ ՕՀԱՆՅԱՆ, Հայաստանի հանրային ռադիո
Նազելի Օհանյանը 2003 թվականից աշխատում է Հայաստանի հանրային ռադիոյի մշակութային ծրագրերում: Համագործակցել է մի շարք թերթերի, ամսագրերի, փառատոնների, արվեստի ու մշակութային կենտրոնների հետ: Ներկայում Հանրային ռադիոյի «Վերնատուն» հաղորդման հեղինակն ու վարողն է: