Էնդրյու Լերեն

Էնդրյու Լերենը Նյու Յորքի քաղաքային համալսարանի ժուռնալիստիկայի բարձրագույն դպրոցի հետաքննական լրագրության բաժնի ղեկավարն է և անկախ հետաքննող լրագրող։

Նախկինում գրեթե 13 տարի թղթակցել է «Նյու Յորք Թայմս»-ին (The New York Times)՝ աշխատելով ազգային, միջազգային և հետաքննական մի շարք հոդվածների վրա: Նա թերթի առաջատար լրագրողներից մեկն էր, որը վերլուծում էր «ՎիքիԼիքս»-ի (Wikileaks) դիվանագիտական հեռագրերը, Աֆղանստանի և Իրաքի պատերազմների տեղեկագրերը և Գուանտանամոյի կալանավորների գործերը: Այդ հոդվածների  կարևորագույն դրվագներն ամբողջացվել են “Open Secrets” մեծ պահանջարկ ունեցող գրքում:

Լերենը նպաստել է նաև Պուլիցերյան մրցանակի (Pulitzer Prize) դափնեկիր դարձած մեկ այլ շարքի ստեղծմանը, որն ուսումնասիրում էր ԱՄՆ դեղագործական արտադրանքը վնասող չինական անորակ քիմիական նյութերի հարցը։ Լերենը շուրջ 15 տարի «ԷնԲիՍի Նյուզ»-ի (NBC News) հետաքննող պրոդյուսերն էր, այնուհետև՝ հետաքննական թիմի ավագ խմբագիրը։ Նրա աշխատանքը ներառում էր սեպտեմբերի 11-ի և ահաբեկչության լուսաբանումը: 

Նա արժանացել է բազմաթիվ մրցանակների, այդ թվում՝ «Պոլկ», «Փիբոդի», երկու «դյուՊոն Կուլումբիա» և «էդվարդ Ռ. Մարոու»-ի ( Polk, Peabody, duPont-Columbia, Edward R. Murrow) հետաքննական մրցանակների, Էմմի (Emmy), «Հետաքննող լրագրողներ և խմբագիրներ»-ի (Investigative Reporters and Editors) երեք մրցանակների, «Արտասահմանյան մամուլի ակումբ»-ի (Overseas Press Club) պարգևի և Դենիել Փերլի (Daniel Pearl) հետաքննական մրցանակի:

Նյու Յորքի քաղաքային համալսարանում Լերենի հետաքննական լրագրության դասն արժանացել է «Հետաքննող լրագրողներ և խմբագիրներ»-ի (Investigative Reporters and Editors) մի քանի մրցանակի՝ որպես ուսանողական լավագույն հետաքննություն։ Նա գրել է նաև «Ռոյթերս», «Ֆիլադելֆիա Դեյլի Նյուզ», «ՋազԹայմ», «Նեյշնլ Լոու ամսագրի» (Reuters, Philadelphia Daily News, JazzTimes և The National Law Journal) համար: